Zviceranët hedhin vallen e Rugovës

Me titullin “A la découverte du pays des Aigles” (Në zbulim të shtetit të shqiponjave), publiku shqiptaro-zviceran përcolli programin jashtëzakonisht të pasur të përgatitur enkas për të

Grupi folklorik La Farandole organizoj një shfaqje të veçantë në bashkëpunim më Shoqërinë Kulturore Artistike “Teuta” të Lozanës në fshatin Courtepin të kantonit të Friburgut. Albinfo.ch ju sjellë një përshkrim të çasteve që shënuan këtë mbrëmje të zhvilluan në shenjë miqësie dhe shkëmbimi të vlerave..

Me titullin “A la découverte du pays des Aigles” (Në zbulim të shtetit të shqiponjave), publiku shqiptaro-zviceran përcolli programin jashtëzakonisht të pasur të përgatitur enkas për të.

Aty, shoqata “Teuta” prezantoi kostumet, vallet, muzikën shqiptare tradicionale folklorike dhe i dha shije të butë gjithë kësaj mbrëmjeje falë përgatitjes së ushqimeve tradicionale shqiptare.

Salla vrullonte nga një publik vendas i etur për të zbuluar, kuptuar apo thjesht njohur traditat, kulturën dhe artin e shqiptarëve në Zvicër.

Për të shtuar oreksin, mbrëmja filloi me shijimin e ushqimeve tradicionale. Më pas vallet dhe muzika shqiptare dhe zvicerane u bashkuan për të sjellë një atmosferë miqësore dhe të hareshme në mes dy popullatave.  Madje, Zviceranët  nuk lëshuan rastin për të vallëzuar të ashtuquajtur “ Vallja e  Rugovës.

Gjithashtu publiku pëlqeu interpretimin e vajzave të cilat kënduan këngën e Hasan Ages ku rolin e Hasan Agës e luajti  një zviceran që ndjehej shumë krenar, mirënjohës dhe i nderuar.

Kulmi i emocionit u shënua me shpalosjen në skenë të dy flamujve: shqiptar dhe zviceran si shenjë paqeje vëllazërore, një shpalosje që ngriti gjithë publikun në këmbë nën një stuhi duartrokitjeve të pandalshme.

Në skenë të pranishmit zbuluan edhe të shumënjohurën Valle të Shotës e cila u interpretua nga dy çifte: shqiptar ë dhe zviceranë. Ndërsa shqiptarët u paraqiten me kostume tradicionale të Zvicrës dhe interpretuan vallet e alpeve të Zvicrës të shoqëruara nga instrumenti tipik i vendit “Cor des alpes”.

Përmes artit dhe kulturës, organizatoret dhe publiku dëshmuan se integrimi i shqiptarëve në Zvicër si dhe interesi i zviceranëve për popullatën shqiptare nuk ka fund. Takime të tilla veç sa ngjallin  një njënjë të tillë.  Prandaj kuptohet, se pas shfaqjes të pranishmit hodhën vallen deri në mes të natës.

Në liunkun më poshtë mund të shikoni videon:

https://mail.google.com/mail/u/1/#inbox?projector=1