Nuk dihet nëse Mubarak disponon llogari bankare në Zvicër

E vërteta rreth kësaj mund të mësohet vetëm pas ndonjë vendimi eventual të qeverisë për të bllokuar kontot

Ka apo nuk ka presidenti egjiptian Husni Mubarak të holla të deponuara në Zvicër ? Autoritetet kompetente të Zvicrës akoma nuk janë shprehur rreth faktit nëse Mubarak dhe rrethi i tij kanë llogari bankare në këtë vend.

E vërteta rreth kësaj mund të mësohet vetëm pas ndonjë vendimi eventual të qeverisë për të bllokuar kontot, ashtu siç veproi në rastet e dy diktatorëve tjerë afrikanë, të Tunizisë dhe atij të Bregut të Fildishtë.

Kështu ka thënë për mediet zvicerane një zëdhënëse e Entit Federal për Polici dhe Jurisprudencë.

Ndërkaq, sipas një shkrimi të botuar në “Basler Zeitung” Mubarak dhe njerëzit e tij të afërm gjatë 30 viteve të qëndrimit në pushtet kanë grumbulluar dhe përvetësuar më shumë se 40 miliardë dollarë.