Ofertë 47 milionë franga për Xhakën?

Lista e klubeve të interesuara për futbollistin shqiptar, Granit Xhakën është e gjatë. Sipas gazetës gjermane “Bild”, klubi anglez “Arsenal” duket se e ka shumë seriozisht transferimin e futbollistit të Gladbach-ut.

Me sa dukët londinezët e kanë përgatitur një ofertë prej 47 milionë franga për futbollistin e përfaqësueses zvicerane.

Gjithnjë sipas gazetës gjermane, në fundjavë Graniti së bashku më babin e tij Ragipin, këshilltarin Andy Gross pritet të takohen në Londër më trajnerin e Arsenalit, Arsen Wenger, përcjell “albinfo.ch”.

Nëse kjo marrëveshje do të arrihet, atëherë Xhaka pritet të përfitoj 5.5 milion franga, ndërsa më bonos deri në 8.8 milion franka në vit.

Se a do të mbetet Xhaka në Gladbach sipas marrëveshjes deri në vitin 2019, mbetet të shihet!