Xherdan Shaqiri “bombardon” Newcastlen

©KEYSTONE

Xherdan Shaqiri ka treguar një paraqitje të shkëlqyer ndaj Newcastle madje ishte ai shënuesi i golit në fitoren 1 – 0 në përballjen e javës së 28-të të kampionatit anglez.

Mesfushori nga Gjilani befasoi mbrojtjen dhe portierin kundërshtar pak minuta para fundit të sfidës së zhvilluar mbrëmjen e së mërkurës.

Fjalë të mira për paraqitjen dhe golin e Shaqirit nuk ka kursyer as vet trajneri i tij.

“Ishte një gol i bukur nga Shaqiri për ta fituar lojën, gjuajtje e mirë dhe e fuqishme, portieri madje nuk e pa atë”, ka deklaruar Hughes.

Futbollisti i Stoke Cityt u vlerësua si lojtari më i mirë i takimit duke marrë notën 7,5.

Sipas Goal.com pjesë e ekipit më të mirë të javës së 28’ të Premierligës, është edhe futbollisti shqiptar, Xherdan Shaqiri.

Kjo fitore e treta radhazi e ngjiti Stoke në vendin e shtatë në kuotën e 42 pikëve. Shaqiri i cili u transferua verën e kaluar në Premier League ka shënuar deri më tani 3gola në kampionat me fanellën e Stoke Cityt, që tani shpreson më shumë për një pjesëmarrje në kupat e Evropës.

https://www.youtube.com/watch?v=TK_gx3bDXCs