Një shqiptar në Gjermani vdes nga plagët me thikë

Vrasësi është në arrati, ndërsa nuk besohet se vrasja të ketë ardhur si rast i motivuar politikisht ose nga urrejtja ndaj të huajve

Një përleshje më thikë përfundoi me fatalitet. Një shqiptar azilkërkues, të mërkurën rreth orës 20:40 ka mbetur i vdekur pas plagëve të marra nga thika gjatë një përleshje në Pulheim të Gjermanisë.

Dy banorë, pasi panë një person të plagosur në rrugë, thirrën menjëherë emergjencën dhe policinë. Ndonëse ata erdhën në vendin e ngjarjes, nuk patën sukses për të shpëtuar jetën e 26 vjeçarit shqiptar, shkruan express.de, përcjell “albinfo.ch”.

Sipas informacioneve të deritashme ai është përleshur me një azilkërkues tjetër nga kampi ku kanë banuar së bashku, përleshje kjo që më vonë eskaloi duke u plagosur për vdekje.

Policia e Këlnit ka ngritur një procedurë shqyrtimi për vrasjen në fjalë.

Vrasësi momentalisht është në arrati, ndërsa nuk besohet se vrasja të ketë ardhur si rast i motivuar politikisht ose nga urrejtja ndaj të huajve.