Në Shafhausen, komitet kundër iniciativës për zbatim të dëbimit

"Ky tekst i kësaj nisme paraqet një përkeqësim edhe më të rreptë të iniciativës së aprovuar të dëbimit“

Jo vetëm titulli, por duhet të lexohet saktë edhe përmbajtja e tekstit të iniciativës së zbatim-dëbimit, argumentojnë kundërshtarët e propozimit.

Asnjë temë nuk është duke e dominuar politikën kombëtare të Zvicrës aktualisht më shumë se sa nisma e zbatim-dëbimit. Krijuesit, Partia e djathtë popullore (SVP) argumenton se iniciativa thjesht don që Berna zyrtare të sigurojë zbatimin e shpejtë të dëbimit të njerëzve, të paraparë me iniciativën e miratuar nga elektrorati vite më parë. Këtë e shohin ndryshe kundërshtarët e kësaj, duke përfshirë këtu edhe komitetin e Schaffhausen-it, i cili dje paraqiti argumentet e veta.

“Kush niset vetëm nga titulli i posterëve të iniciativës, pa e studiuar tekstin e iniciativës më për së afërmi, mundet të gabohet,” tha përfaqësuesja e Partisë Liberale (FDP) Jeanette Storrer dje para medieve. „Në fakt, ky tekst i kësaj nisme paraqet një përkeqësim edhe më të rreptë të iniciativës së aprovuar të dëbimit“. Irene Eichenberger nga Partia Eko-Liberale (OBS) kritikon me fjalë të qarta autorët e iniciativës “SVP-ja ka një dëshirë të sëmurë për të mbrojtur Zvicrën nga kërcënimi i të huajve”. Edhepse tashmë është i mundshëm deportimi i kriminelëve të rrezikshëm. Për më tepër, shton ajo, është një iluzion supozimi se aprovimi i nismës në fjalë do të mbronte Zvicrën, për shembull nga terrorizmit. “Njerëz fanatikë që janë të gatshëm për tu hedhur në ajër bashkë me ‘armiqtë e tyre‘, nuk pyesin për pasojat penale.”

Gabriela Buff nga Hallau i është bashkangjitur një komiteti dpartiak të regjionit Klettgau, të quajtur “tanimë është mjaft». “Në Klettgau SVP-ja ka një elektorat të mirë ntë shumë se 50%.” Shumica e këtyre njerëzve ndoshta do të pajtohen me nismën, pa e ditur saktësisht se çfarë do të ndodhë në qoftë se ajo do të aprovohen. Komiteti i saj „tani mjaft më“ synon t`i ofrojë hapsirë preokupimeve të shtetit ligjor, tha Gabriela Buff.

Simone Stöcklin nga Partia Popullore Kristiane (CVP) shton se nisma shkakton kosto plotësuese prej disa “dhjetëra milionash”. Julian Stoffel nga Socialistët e Rinj (Juso) përmend shembuj të delikteve të vogla, të cila automatikisht çojnë tek një dëbimi, fjala bie një baba që harron për të specifikuar para fondit të kompensimit familjar ndërprerjen e trajnimit të djalit të tij. Nuk është në rregull që të huajt të dëbohen për shkak të cikërrima të tilla, ndërsa zviceranët, për të njëjtën kundërvajtje të kalojnë vetëm me një gjobë në të holla.

Osman Osmani nga Partia Socialdemokrate (SP) përmend që do të preken edhe 400 000. Secondos, që janë të lindur e rritur në Zvicër. Ata kërcënohen që për delikte kundërvajtëse të dëbohen  në një vend me të cilën ata nuk i lidh ndonjë gjë esenciale. Së fundi Katrin Bernath nga Partia e Gjelbër Liberale (GLP) shtoi se nisma në fjalë dëmton keq edhe ekonominë e vendit. “Ajo krijon pasiguri ligjore dhe për këtë arsye paraqet edhe një rrezik për kompanitë.“ Stabiliteti dhe siguria juridike janë faktorët e suksesit të Zvicrës, të cilat nuk duhet vënë në rrezik.

(Marrë nga shn.ch, përktheu O. Osmani)

Fotoja e marrë nga faqja e internetit të Radio Munot në Schaffhausen