Edhe Sllovenia paralajmëron braktisjen e Shengenit

KEYSTONE

Në qoftë se Austria dhe Gjermania do të kufizojnë pranimin e emigrantëve, këto hapa tani do të merren edhe nga Sllovenia, thuhet në deklaratën e qeverisë sllovene.

Një paralajmërim i tillë vjen pas vendimit të kancelarit austriak, Werner Faymann, për pezullimin e përkohshëm të Shengenit dhe vendosjen e kontrollit të dokumenteve në kufijtë me vendet fqinje.

“Austria në përputhje me rregullat e Shengenit mund të vendosë kontrolle në kufijtë e saj për shkak të situatës së sigurisë në vend, por një masë e tillë është e nevojshme për të hyrë brenda në të gjitha vendet anëtare të Komisionit Evropian”, thotë deklarata e qeverisë sllovene, përcjellin mediat në Lubjanë.

Deklarata vuri në dukje se Sllovenia bashkëpunon në mënyrë aktive në gjetjen e një zgjidhjeje për krizën evropiane të refugjatëve dhe dëshiron marrëveshje të ndërsjellë në nivel evropian, por që do të marrë “veprime vendimtare dhe të qëndrueshme”, nëse rrezikohet interesat e saj nacionale dhe nëse vendet e tjera veprojnë në mënyrë të njëanshme.

Sipas burimeve nga Ministria e Jashtme Austriake, sipas agjencisë së lajmeve sllovene STA, regjimin e ri të rreptë dhe kontrollin e të gjithë udhëtarëve në vendkalimet kufitare me shtetet fqinje Austria do të fillojë ta aplikojë nga fundi i javës së ardhshme.