Angela Martini mohon lidhjen me shqiptarin

Ajo ka thënë se mes saj dhe djalit me emrin Butik nuk kanë asgjë të përbashkët. “Butik është një shok i shoqes sime, nuk kemi asgjë me njëri-tjetrin”

Një ditë më parë e përditshmja zvicerane “Blick.ch” ka publikuar një lajm, ku shkruan se modelistja shqiptare ka filluar një lidhje të re me shqiptarin Butik Cejzin. Sipas gazetës, të dy janë shumë të afërt, puthen, përqafohen dhe janë shumë të dashuruar.

Por, menjëherë ka reaguar modelistja shkodrane, e cila është e rritur në Cyrih. Ajo ka thënë se mes saj dhe djalit me emrin Butik nuk kanë asgjë të përbashkët. “Butik është një shok i shoqes sime, nuk kemi asgjë me njëri-tjetrin”, ka sqaruar Angela, e cila karrierën e saj të modelimit e zhvillon në Amerikë.

Sipas Angeles, ajo është njohur para disa ditëve me të. “Defenitivisht ai nuk është tipi im”, njofton albinfo.ch.

Angela Martini u nda në fillim të këtij viti nga miliarderi turk, 38–vjeçari Ali Baran Suzer dhe që nga atëherë ajo është single. “Po e shijoj këtë kohë, e pavarur dhe e lirë”.

Megjithatë ajo thotë se dashuria nuk planifikohet. “Ajo vjen atëherë kur vjen”, shprehet ish-finalistja e “Miss Universe”.