Lajme
Finlandë: 95 shtetas të Kosovës vendosen në karantinë
Është bërë e ditur se të gjithë udhëtarët, të cilët dje me aeroplanin e “Vizer”-it nga Shkupi kanë arritur në qytetin Turku të Finlandës, janë vendosur në karantinë dhe do të testohen për Covid-19, përcjell albinfo.ch.
Në deklaratën e fundit, Riita Liuksa, drejtoreshë e Departamentit për mbrojtje civile të Turkut, tha se se udhëtarët që jetojnë në Finlandë do të shkojnë në karantinë shtëpiake, ndërsa për të tjerët karantinë sigurojnë autoritetet lokale.
Ende nuk ka informacione se sa nga rreth 130 udhëtarët që kanë arritur nga Shkupi janë finlandezë dhe sa të huaj.
Udhëtarëve nuk u është lejuar të shfrytëzojnë transport publik në rrugën nga aeroporti deri te vendi i karantinës.
Institucionet kompetente do të kontrollojnë nëse karantina respektohet, ndërsa për shkeljen eventuale të saj janë paraparë dënime.
Autoritetet finlandeze më parë kanë njoftuar se nga 157 pasagjerët, të cilët me aeroplan nga Shkupi të shtunën kanë shkuar për në Turku pas testimit të kryer, 26 kanë qenë pozitivë me Covid-19.
Ministria e Shëndetësisë e Maqedonisë së Veriut ka njoftuar sot se sipas informatave të Shërbimeve nga Aeroporti i Shkupit dhe policia kufitare, shumica e 157-të pasagjerëve në aeroplan janë shtetas të Kosovës dhe të Finlandës, ndërsa vetëm dy janë qytetarë të Maqedonisë së Veriut.
Pjesa më e madhe kanë udhëtuar me pasaporta të Kosovës, 95, me pasaporta finlandeze 60, ndërsa të tjerët janë me pasaporta të Maqedonisë së Veriut dy, shqiptare, bullgare, suedeze dhe estoneze.
Asnjëri prej tyre nuk është regjistruar në bazën e rasteve pozitive me Covid-19 në Maqedoni, që do të thotë nuk kanë vendim për izolim si raste pozitive nga Inspektorati Shtetëror Sanitar Shëndetësor.
Megjithatë, MPJ-ja përmes ambasadës në Stokholm e cila mbulon edhe Finlandën e ka kërkuar listën me emra të udhëtarëve te të cilët është konstatuar prania e virusit.
Ministri i Shëndetësisë së Maqedonisë së Veriut, Venko Filipçe, ka paralajmëruar se pas analizës së të gjitha informacioneve do të vendoset nëse në të ardhmen do të kërkohen teste PCR për qytetarët e shteteve fqinje, të cilët vetëm transitojnë nëpër vendin, raporton “Alsat-M”.
Të ngjashme
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?