Jetullah Haliti-Eti hap ekspozitë të arteve pamore në Sion

Titulli i kësaj ekspozite tematike është "Kur flet arti, nderohet kombi dhe atdheu"

Piktori i njohur nga Kosova, Jetullah Haliti – Eti, hap ekspozitën e tij të radhës në Sion, Kantoni Valis, Zvicër,

Titulli i kësaj ekspozite tematike është “Kur flet arti, nderohet kombi dhe atdheu”. Në këtë ekspozitë ekspozohen mbi 35 piktura, skulptura, vizatime dhe grafika.

Jetullah Haliti është piktor akademik dhe ka qenë ligjërues i metodikës së artit figurativ në Universitetin e Prishtinës. Për shumë vite ka jetuar dhe krijuar në Zvicër, gjegjësisht në Valis, ku ka hapur një numër ekspozitash dhe ka bërë emër në rrethet e këtushme artistike.

Ekspozita hapet këtë të premte, më 10 maj, në orën 18.00 dhe mbyllet më 19 maj ’24.

Vendi: Galerie de la Treille – Sion, Espace des Remparts 19, 1950, Sion.

 

---