Lajme
50 vitet e fundit me shumë studime shkencore, por pak zbulime revolucionare
Numri i hulumtimeve shkencore dhe teknologjike të botuara është rritur në qiell gjatë dekadave të fundit – por “zbulimet revolucionare” kanë rënë.
Të dhënat nga miliona botime tregojnë se, krahasuar me mesin e shekullit të njëzetë, kërkimet e bëra në vitet 2000 kishin më shumë gjasa ta shtynin shkencën përpara në mënyrë graduale, sesa të hapnin shtigje të reja duke “vjetëruar” punimet e mëparshme. Analiza e patentave nga viti 1976 deri në vitin 2010 tregoi të njëjtin trend.
“Të dhënat sugjerojnë se diçka po ndryshon,” thotë Russell Funk, një sociolog në Universitetin e Minesotës në Minneapolis dhe bashkautor i analizës, e cila u botua më 4 janar në Nature.
“Nuk e kemi të njëjtin intensitet të zbulimeve siç e kemi pasur dikur”, tha ai.
Një nga elementet për të llogaritur se sa “revolucionare” janë hulumtimet, është se sa citohen ato në hulumtimet e mëvonshme nga e njëjta fushë. Duke llogaritur të dhënat e citimeve nga 45 milionë botime dhe 3.9 milionë patenta, studiuesit erdhën në përfundim se ato të gjysmëshekullit të fundit citohen më pak se sa botimet e mëhershme.
“Është fantastike të shohësh këtë [dukuri] të dokumentuar në një mënyrë kaq të përpiktë,” thotë Dashun Wang, një shkencëtar social kompjuterik në Universitetin Northwestern në Evanston, Illinois, i cili studion zbulimet në shkencë.
Hulumtime të tjera kanë sugjeruar se inovacioni shkencor është ngadalësuar gjithashtu në dekadat e fundit, thotë Yian Yin, gjithashtu një shkencëtar social kompjuterik në Northwestern.
Pse kjo rënie?
Studiuesit besojnë se ka më shumë arsye për këto rezultate. Një prej tyre, vlerësohet të jetë fakti se tani ka shumë më shumë studiues sesa në vitet 1940, gjë që ka krijuar një mjedis më konkurrues dhe ka rritur interesimin për të publikuar hulumtime dhe për të kërkuar patenta. Kjo, nga ana tjetër, ka ndryshuar stimujt për mënyrën se si studiuesit bëjnë punën e tyre. Ekipet e mëdha hulumtuese, për shembull, janë bërë më të zakonshme dhe studimi konkludon se ekipet e mëdha kanë më shumë gjasa të prodhojnë shkencë shtesë sesa revolucionare.
Gjetja e një shpjegimi për rënien nuk do të jetë e lehtë. Shkalla e rënies është gjithashtu e çuditshme: indekset citimeve kanë rënë në mënyrë të shpejtë nga viti 1945 deri në 1970, pastaj më gradualisht nga fundi i viteve 1990 deri në vitin 2010./trtbalkan
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
SHKA “Dardania” nga Winterthuri do të marrë pjesë në festivalin folklorik “Hasi Jehon”
-
Kevin Sekniqi, shqiptari i radhës i përfshirë në renditjen e prestigjiozes Forbes
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Austri
-
Bora zbardh Austrinë Austria sot është mbuluar nga bora.Mediat raportojnë se në vendet malore, reshjet kanë qenë më të...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa