50 orë pune në javë, në Zvicër?

Deri 50 orë pune në javë duhet të lejohen në të ardhmen. Një kërkesë e tillë vjen nga Shoqata e Tregtisë Zvicerane SGV.

Ligji aktual i punës bazohet në një imazh të vjetër të fabrikës. Sot, megjithatë, tre të katërtat e punonjësve punojnë në sektorin e shërbimeve, thotë presidenti i SGV-së, Jean-François Rime. Me digjitalizimin, gjithnjë e më pak mbetet lidhja me vendin e punës në kompani, përcjell albinfo.ch.

Shoqata e Tregtisë Zvicerane SGV prandaj kërkon, përveç rritjes së orëve maksimale të punës prej 45 deri në 50, orari i punës të jetë më fleksibil për pushimet dhe periudhat e pauzave.