Lajme
5 milionë të vdekur nga Covid-19 në mbarë botën
Vetëm SHBA-ja ka regjistruar mbi 740 mijë jetë të humbura, më shumë se çdo shtet tjetër.
Numri i vdekjeve nga Covid-19 arriti në 5 milionë në mbarë botën, në më pak se dy vjet nga një krizë që ka shkatërruar jo vetëm vendet e varfra, por edhe ato të pasura me sisteme të kujdesit shëndetësor të klasit të parë.
Shtetet e Bashkuara, Bashkimi Europian, Britania dhe Brazili, të gjitha vendet me të ardhura të mesme ose të larta përbëjnë një të tetën e popullsisë së botës, por gati gjysmën e të gjitha vdekjeve të raportuara.
Numri i të vdekurve, siç llogaritet nga Universiteti Johns Hopkins, është pothuajse i barabartë me popullsinë e Los Anxhelosit dhe San Franciskos së bashku. Ai rivalizon numrin e njerëzve të vrarë në betejat midis shteteve që nga viti 1950, sipas vlerësimeve nga Instituti i Kërkimeve të Paqes në Oslo.
Globalisht, Covid-19 është tani shkaku i tretë kryesor i vdekjeve, pas sëmundjeve të zemrës dhe goditjes në tru.
Shifra e tmerrshme është pothuajse me siguri një nënvlerësim për shkak të testimeve të kufizuara dhe njerëzve që vdesin në shtëpi pa kujdes mjekësor, veçanërisht në pjesët e varfra të botës, siç është India, transmeton monitor, përcjell Albinfo.ch.
Pikat e nxehta janë zhvendosur gjatë 22 muajve që nga fillimi i shpërthimit, duke i kthyer në të kuqe vende të ndryshme në hartën botërore.
Tani, virusi po godet Rusinë, Ukrainën dhe pjesë të tjera të Europës Lindore, veçanërisht ku keqinformimi dhe mosbesimi në qeveri kanë penguar përpjekjet për vaksinim. Në Ukrainë, vetëm 17% e popullsisë së rritur është plotësisht e vaksinuar; në Armeni, vetëm 7%.
Pasuria ka luajtur gjithashtu një rol në nxitjen globale të vaksinimit, me vendet e pasura të akuzuara për bllokimin e furnizimeve. Shtetet e Bashkuara dhe të tjerët tashmë po shpërndajnë vaksinat përforcuese në një kohë kur miliona në gjithë Afrikën nuk kanë marrë asnjë dozë të vetme, megjithëse vendet e pasura po dërgojnë gjithashtu qindra miliona doza në pjesën tjetër të botës.
Afrika mbetet rajoni më pak i vaksinuar në botë, me vetëm 5% të popullsisë të vaksinuar totalisht.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Kandidati për eurodeputet, Lukas Mandl vizitoi meshën shqipe në Vjenë Lukas Mandl falënderoi komunitetin shqiptarë në Austri që po e mbështesin gjatë këtij rrugëtimi në ...
-
Bildungskarenz: Çfarë duhet të dini për marrjen e fondeve shtetërore austriake për arsimim të mëtejshëm?
-
Muttertag: Si e feston Austria Ditën e Nënës?
-
Çfarë duhet të dini për supermarketet në Austri?
-
Çfarë lejohet të bëjnë fëmijët vetëm sipas ligjit austriak?