351 mijë franga paga vjetore e shefave në Zvicër

Për të nxjerrë këtë konstatim janë analizuar pagat e menaxherëve në pozita të larta.

Mesatarisht pagat e menaxherëve zviceranë këtë vit kanë shënuar rritje për 2 për qind në krahasim me vitin 2012, thotë një studim nga firma konsulente “Kienbaum”. “Rritja është mjaft modeste”, tha Jörg Scholten, ekspert në “Kienbaum”.

Për të nxjerrë këtë konstatim janë analizuar pagat e menaxherëve në pozita të larta.

Shefat në 430 kompani  marrin pagë vjetore mesatare prej 351.000 frangash, që i bie 5 për qind më shumë se një vit më parë.
Rreth një e katërta e pagës fitohet si bonus. Në nivele më të ulëta menaxhuese, përqindja e pagës është shumë më e ulët.
Megjithatë, studimi thotë se kanë rënë bonuset në industrinë financiare.

“Në sektorin bankar ka ndryshime në sistemin e kompensimit si pasojë e krizës financiare”, tha Scholten.

Studimi “Kienbaum” gjithashtu tregon se gratë nuk janë të përfaqësuara në pozitat e larta menaxhuese, duke stagnuar për 8 për qind. Vetëm pozitat më të ulëta menaxhuese janë gjithnjë duke u plotësuar nga gratë, dhe përqindja e tyre është rritur për 21 për qind.