20 për qind më shumë gjoba parkingu në Cyrih

Pikërisht 503.888 gjoba kanë shpërndarë zyrtarët policorë të Cyrihut vitin e kaluar, 20.7 për qind më shumë se në vitin paraprak. Rritja ka një arsye të thjeshtë: policia është më pak e kujdesshme se në vitin 2015.

Në atë kohë, policët prisnin mesatarisht dhjetë minuta para se të vendosnin gjobat. Që nga janari 2016 policët janë tërhequr nga kjo metodë, shkruan policia e qytetit.

Edhe në qytetet e tjera të kantonit, si për shembull, Winterthur, si dhe në kantonet e Bernës dhe St. Gallenit nuk është aplikuar një metodë e tillë e gjobitjes. Qyteti i Cyrihut tani ka ndjekur shembullin e vitit 2016.

Gjobat mbushin 63 milionë franga arkën e qytetit.

Në total, policia e qytetit vendosi më shumë se një milion gjoba gjatë vitit të kaluar dhe kështu mori 63.2 milionë franga zvicerane. Nëse gjobat e parkimit janë rritur ndjeshëm, ka pasur një rënie të lehtë (-0.3 për qind) të shkeljeve të rregullave të trafikut.