Gruaja
20 markat që e bënë yll Fatmire Bajramajn!
Falë 20 markave mito që i kishte paguar babai policëve çekë, familja e saj kishte mundur të kalonte kufirin me Gjermaninë
Revista gjermane për femra “Brigitte” në numrin e saj më të ri i bën një portret interesant futbollistes më të mirë të kombëtares gjermane, shqiptares nga Kosova Fatmire Bajramaj.
Ylli 23 vjeçar i futbollit gjerman për femra, Fatmirja e cila njihet me emrin përgëdhelës “Lira” në këtë portretim flet se si në moshën e saj pesë vjeçare, në vitin 1993 bashkë me familjen kishte hyrë në Gjermani ilegalisht si refugjatë. Falë 20 markave mito që i kishte paguar babai policëve çekë, e gjithë familja kishte mundur të kalonte kufirin në mes të Çekisë dhe Gjermanisë (në landin e Bavarisë).
“Pa këto 20 marka sigurisht nuk do të bëhesha kurrë futbolliste” thotë Bajramaj në numrin special të revistës Brigitte, të botuar në prag të Kampionatit Botëror të Futbollit të femrave që fillon më 26 qershor.
Ndërsa për faktin se luan pikërisht për Gjermaninë, ajo thotë se nuk është kontestuar asnjëherë. “Unë ndjehem si një gjermane. Së paku, të shumtën e rasteve”, ka thënë ajo. “Kur jam bashkë me gjermanë, jam shumë e qetë dhe e shtendosur. Por kur jam me familjen time, ka atmosferë të zhurmshme, të lezetshme dhe kaotike. Kljo pra është pjesa shqiptare në jetën time”.
Më tutje ajo vazhdon: “Gjermania është një vend i qetë, i ngadalshëm, një vend ku gjithçka planifikohet më parë. Ndërsa në Kosovë do të bësh diçka, atëherë kur ke dëshirë ta bësh. Në fakt, mua nuk më pëlqen të jetoj sipas planit. Por kjo bën pjesë në jetën time”.
Në vazhdim revista “Brigitte” e cilëson Bajramajn si njërën ndër futbollistet më të mira në botë, e cila ka realizuar të gjitha ato që mund të realizohen në futbollin e femrave.
Por, ajo është edhe simbol i një brezi të ri të futbollisteve – ajo i kushton po ashtu shumë rëndësi edhe pamjes së jashtme. Dhe ka dëshirë që kjo të vihet re nga opinioni. “Më zemëron kur ne nuk përceptohemi si femra”, thotë ajo. “ne luajmë në ligën tonë dhe e bëjmë mirë këtë. Futbolli i femrave është tërheqës dhe seksi”.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?