19 milionë të papunë në Eurozonë

12 për qind të evropianëve janë të papunë. Kjo shifër është më e ulët (për 129 mijë) se ajo e fundit të nëntorit, por për 130 mijë më e lartë se e një viti më parë.

Shkalla e papunësisë në eurozonë në fund të vitit 2013 ka mbetur pothuaj e pandryshuar. 19 milionë njerëz të moshës së punës kanë rezultuar të papunë, që domethënë se 12 për qind të evropianëve janë të papunë. Kjo është shifër pak më e ulët (129 mijë) se e fundit të nëntorit, por për 130 mijë më e lartë se e një viti më parë.

Siç bën të ditur Enti Evropian për statistikë, Eurostat, edhe në këtë periudhë ka pasur dallime të mëdha në shkallën e papunësisë në vende të ndryshme. Kështu, shkallën më të ulët të papunësisë në zonë, rreth 5 për qind, e kanë pasur Gjemania (5.1%) Austria (4.9%) dhe Luksemburgu (6.2%) ndërkohë që në Itali dhe në Francë kjo shkallë ka arritur në më shumë se 10 për qind.

Por shumë më të lartë se këto të fundit, shkallën e papunësisë e kanë shtetet që prej kohësh po kalojnë në një krizë të thellë, Spanja dhe Greqia. Në këto vende në fund të vitit 2013 ka pasur 25.9 gjegjësisht 27.8% njerëz të papunë, njofton afp.