Lajme
15 minuta ecje, ndryshimet që nisin në organizëm
Kura më e mirë dhe më e thjeshtë për të kapërcyer një situatë stresuese është ecja.
Bëhet fjalë për një aktivitet të thjeshtë fizik, por që ka cilësitë më të mira të një medikamenti farmaceutik kundër stresit.
Por ky nuk është i vetmi përfitim që vjen nga ecja. Në vijim do të zbuloni përfitimet që merrni nga ecja prej 15 minutash çdo ditë.
Rreziku nga ishemia apo sëmundjet kardiovaskulare
Një studim i vitit 2009, të cilit i referohet AgroWeb.org zbuloi se ecja për thuajse 20 minuta në ditë e ul rrezikun e shfaqjes së sëmundjeve kardiovaskulare me 31 për qind.
Kundër obezitetit
Një nga mënyrat më të lehta për të mposhtur obezitetin është ecja për gjysmë ore çdo ditë.
Studimet konfirmojnë se edhe nëse njeriu ecën të paktën 15 minuta çdo ditë, mund të mposhtë dëshirën për ëmbëlsira, një faktor shumë domethënës për konsolidimin e obezitetit.
Ulja e tensionit të gjakut
Nëse vuani nga tensioni i lartë i gjakut, duhet të ecni më shpesh.
Sipas të dhënave, nëse njeriu ecën për 10 minuta në ditë mund të ulë tensionin e gjakut.
Nëse ecni më shumë se 15 minuta, tensioni i lartë i gjakut mund të ulet më shumë.
Për një kujtesë të fortë
Aktiviteti fizik i çdo lloji është shumë i mirë për trurin.
Falë ecjes, njeriu mund të përmirësojë edhe kujtesën, thonë studimet.
Sipas tyre, ecja për 40 minuta në javë ose ecja e shpejtë për 15-20 minuta mund të ngadalësojë humbjen e vëllimit të trurit.
Kundër dhimbjes së kyçeve
Aktiviteti fizik dhe veçanërisht ecja ndihmon në rindërtimin e pjesëve të dëmtuara të kyçeve dhe indeve.
Ecja mundëson lubrifikimin e tyre dhe zbut dhimbjet.
Ngrënia e nxitur nga stresi
Ekspertët shprehen se të ecësh është gjëja më e thjeshtë që mund të bëjë njeriu për të luftuar dëshirën për ushqim, e cila nxitet nga stresi.
Sa më të larta të jenë nivelet e serotoninës, aq më pak i stresuar do të jetë njeriu.
Nga ana tjetër, ai do të ketë më pak dëshirë për të ngrënë edhe nëse është i ngopur.
Mjaftojnë 15 deri në 20 minuta ecje për të rritur nivelet e serotoninës, hormonit që mundëson gjendjen e mirë shpirtërore.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?