Lajme
12-vjeçarja shqiptare në Itali gjendet e pajetë pranë kopshtit të banesës së saj
Babai i saj kërkon të vërtetën
12-vjeçarja shqiptare u gjet e pajetë të premten e kaluar në kopshtin e shtëpisë së saj në zonën Conegliano, në provincën e Trevisos.
“Dua të di të vërtetën. Nëse vdekja e vajzës time ishte pasojë e një loje të shkuar keq apo nëse kanë ardhur njerëz të tjerë që lënduan fëmijën tim”.
Ndërkohë, Prokuroria Publike e Trevisos ka nisur hetimet për vdekjen e vajzës me origjinë shqiptare, por në dosjen gjyqësore për momentin nuk ka hetime dhe as hipoteza krimi. Hetuesit nuk përjashtojnë asnjë pistë, madje as vetëvrasjen, përcjell albinfo.ch.
“Nuk mendoj se është bullizuar, ajo ishte e lumtur, madje nuk kishte as telefon. Unë nuk akuzoj askënd: dua të vërtetën”, thotë babai i saj. Tragjedia ndodhi pasditen e së premtes, më 16 shtator, në kopshtin e shtëpisë në Conegliano, qyteza ku ishte shpërngulur pak muaj më parë vajza 12-vjeçare me familjen e saj shqiptare. Dhe më 12 shtator, vetëm katër ditë para epilogut tragjik, ajo kishte filluar të ndiqte shkollën në një qytet në zonën e Coneglianese.
Pasditen e së premtes vajza ishte në shtëpi me familjen e saj. Ajo doli në kopsht për të luajtur me vëllain e saj të vogël dhe një mik tjetër. Trupi i saj u gjet i pajetë pranë një pemë. Pista më e besueshme, sipas policisë, është vetëvrasja, pasi sipas informacioneve të mbledhura, 12-vjeçarja kishte zhvilluar një formë të rëndë depresioni të shkaktuar nga shpërngulja nga vendi i origjinës.
Vajza nuk fliste italisht, dhe kjo është një arsye tjetër që mund ta kishte rritur ndjenjën e izolimi. Një ndjenjë trishtimi që as fillimi i shkollës dhe njohja e miqve të rinj nuk kishin mundur ta largonin. Hetimet do të hedhin dritë mbi misterin rreth historisë së tmerrshme.
E-Diaspora
-
Avokati kërkon lirimin e menjëhershëm të shqiptarit të akuzuar për vrasje të dyfishtë Ai mbështetet në rrëfimin e autorit E.B., i cili tashmë është dënuar për këtë rast, një ditë...
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
Jeta në Austri
-
Bora zbardh Austrinë Austria sot është mbuluar nga bora. Mediat raportojnë se në vendet malore, reshjet kanë qenë më...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa