Shkurt.ch
1 Gushti me presidentin Cassis: Me tren, gjurmëve të diversitetit zviceran
Ai do të shoqërohet nga një grup të rinjsh italishtfolës, të cilëve gjatë udhëtimit do t'u bashkohen të rinj nga Vaudi frankofon.
Presidenti Federal Ignazio Cassis ka vendosur të udhëtojë me tren në festën kombëtare, të hënën, 1 gusht 2022. Ai do të ndalojë në vende të ndryshme të Zvicrës, të pasura me histori për të takuar popullsinë përkatëse vendase, thuhet në një komunikatë të publikuar nga Qeveria Federale e Zvicrës. Ai do të shoqërohet nga një grup të rinjsh italishtfolës, të cilëve gjatë udhëtimit do t’u bashkohen të rinj nga Vaudi frankofon.
Udhëtimi me tren fillon në Lugano (TI) dhe përfundon me fishekzjarre në liqenin e Gjenevës, shkruan albinfo.ch. Treni do ta çojë Presidentin Federal në Knonau (ZH), ku ai merr pjesë në një mëngjes tradicional në fermë përpara se të vazhdojë në Grenchen (SO) për një takim me popullsinë. Si Knonau ashtu dhe Grenchen me historinë e tij të konflikteve sociale janë vende simbolike për të treguar cilësinë tipike zvicerane të pajtimit edhe pas luftërave vëllavrasëse.
Në fund të ditës, Presidenti Ignazio Cassis arrin në Zvicrën perëndimore. Pas një ndalese në Yverdon-les-Bains, udhëtimi i tij me tren përfundon në Lozanë. Pas mbërritjes në distriktin e ri të artit, në sferën e Plateforme 10, ai viziton lagjen Ouchy për të marrë pjesë në shfaqjen tradicionale të fishekzjarreve të organizuar nga qyteti i Lozanës.
Dialogu dhe kohezioni: vlera të paçmueshme
Diversiteti dhe pajtimi janë lajtmotivi i rrugëtimit të tij përballë situatës së pasigurt botërore, transmeton albinfo.ch. “Kultura e dialogut që kemi në Zvicër është një pasuri me vlerë të paçmueshme. Aftësia për të siguruar kohezionin është një forcë që duhet ta ruajmë me çdo kusht. Historia e kohëve të fundit na tregon se paqja dhe siguria nuk janë kurrë të garantuara automatikisht”, thekson Presidenti Federal Ignazio Cassis.
Të ngjashme
Të tjera nga Shkurt.ch
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
Arrestohen këngëtarët shqiptarë në një “Bajram party”, në Zvicër
-
Shtetasja zvicerane arrestohet në Viti për shkak të kërcënimeve
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri