Zvicra po vuan për gola

Dy humbje asnjë gol. Tashmë nuk është sekret që Zvicra nuk është në formën më të mirë. Humbi nga Irlanda 1:0 dhe Bosnja 2:0. Këtu dy humbje vijnë në kohë të keqe, derisa 72 ditë më pas do të ndeshet me Shqipërinë në ndeshjen e parë në Kampionatin Evropian.

“Blick” shkruan se sulmuesit nuk janë në formë dhe kjo është për t’u shqetësuar. Haris Seferoviq nuk ka shënuar për Eintracht Frankfurt që 871 minuta. Admir Mehmedi në Bayer Leverkusen ka 964 minuta pa shënuar. Edhe më keq është Breel Embolo i Baselit me 989 pa shënuar.

Në vitin 2016 nuk ka shënuar asnjëri. Pa Xherdan Shaqirin në fushë është një problem i madh. Ai kishte probleme me lëndime. As Behrami, Kasami, Xhaka ose Xhemaili nuk mund të krijojnë raste si ai. Vetëm Renato Steffen është paksa më i rrezikshëm në sulm.

Derisa Zvicra po bëhet gati për ndeshjen me Shqipërinë, disa lojtarë e kanë vendin e sigurt si Shaqiri, Xhaka dhe Behrami, nëse nuk lëndohen, raporton albinfo.ch.