Zvicra humb nga Rumania 0:1

Zviceranët nuk kanë mundur të përsërisin suksesin e arritur pak ditë më parë, kur mundën Gjermaninë me rezultatin 5:3

Në ndeshjen testuese kundër Rumanisë, kombëtarja zvicerane ka humbur si nikoqire, në Lucern, me rezultatin 0 me 1. Me këtë humbje, zviceranët nuk kanë mundur të përsërisin suksesin e arritur pak ditë më parë, kur mundën Gjermaninë me rezultatin 5:3.

Golin e vetëm të Rumanisë dhe të gjithë ndeshjes e ka shënuar Grozev në minutën 56, pas një kundërsulmi. Mbrojtja e Zvicrës u tregua e pa organizuar mirë kështu që nuk ia doli të ndalte golin.

Shanset më të mira për përfaqësuesen e Zvicrës i patën Derdiyok dhe Barneta pak para përfundimit të pjesës së parë të ndeshjes si dhe Djurou më minutën e 93-të.

Nga lojtarët shqiptarë kësaj radhe janë angazhuar Xhaka, i cili është zëvendësuar në minutën 76 dhe Mehmedi, që ka luajtur deri në minutën e 64-t.

Për Zvicrën kanë debutuar portieri Yann Sommer dhe Adrian Winter e Michel Morganella.