Integrimi
Zgjedhjet parlamentare në Zvicër 2023: Debat me kandidatët shqiptaro-zviceranë
Platforma mediale albinfo.ch (Online&Print) organizon debat të dielën, më 10 shtator 2023, nga ora 17:30

Dhjetëra politikanë shqiptarë garojnë në zgjedhjet parlamentare që mbahen më 22 tetor në Zvicër. Në një debat me komunitetin shqiptar të kantonit të Cyrihut, platforma albinfo.ch do të prezantojë disa nga kandidatët shqiptarë, të cilët konkurrojnë për Parlamentin e Zvcrës në Bernë: Përparim Avdili nga Partia Liberale (FDP), Reis Luzhnica dhe Islam Alijaj nga Partia Socialdemokrate (SP).
Prej vitesh Avdili, Luzhnica dhe Alijaj janë deputetë të Kuvendit Komunal të qytetit të Zürichut.
Historia nuk shkruhet lehtë dhe pa mobilizimin politik të komunitetit shqiptar në Zvicër, nëse synojmë që zëri ynë të dëgjohet në institucionin më të lartë ligjvënës.
Elektorati i përgjumur shqiptar duhet të zgjohet dhe të fillojë menjëherë mobilizimin në nivel organizatash, po edhe seksione të veçanta nëpër parti politike zvicerane.
Zgjedhjet e tetorit 2023 përfundimisht duhet të mësojnë shqiptarët për të votuar në zgjedhjet në nivel vendi për Parlamentin e Zvicrës. Tani më ka nisur debati!
Me këtë qëllim më shtator do të debatojmë për rëndësinë e pjesëmarrjes së komunitetit të këtushëm shqiptar në zgjedhjet zvicerane.
Debati do të mbahet nga ora 17:30, në Kraftwerk Selnau, Selnaustrasse 25, 8001 Zürich.
Një mundësi e mirë të ballafaqoheni dhe të diskutoni me kandidatët për deputet të Parlamentit të Zvicrës: Përparimi Avdili (FDP), Reis Luzhinca (SP) dhe Islam Alijaj (SP).
Në fillim të debatit, gazetari i njohur Enver Robelli do të mbajë një fjalë motivuese drejtuar komunitetit shqiptar për pjesëmarrje në zgjedhjet zvicerane.
Debatit me politikanë shqiptaro-zviceranë do t’i paraparijë një debat me një panel me disa nga shqiptarët e suksesshëm të komuniteit shqiptar në shoqërinë zvicerane, si kardiokirurgu i njohur shqiptar, Prof. Dr. med. Omer Xhemali, humanistja, njëherësh kryetarja e shoqatës «Parandalo», Valdete Hoti Selimi dhe komediani Taulant Gashnjani.
Në fund të këtij aktiviteti do të ketë edhe një apero.
Debati do të transmetohet drejtpërdrejt në Livestream në Facebook, të platformës mediale Albinfo.ch (online&print).
Info rreth ngjarjes
- Data e fillimit10 Shtator 2023
- Ora17:30
- LokacioniKraftwerk Selnau, Selnaustrasse 25, 8001 Zürich
- Data e përfundimit10 Shtator 2023 - 20:00
E-Diaspora
-
Kosovari para gjyqit për pjesëmarrjen në vrasjen e pensionistit 85 vjeçar Katër veta akuzohen se kanë vrarë një burrë 85-vjeçar në Pulheim - për 50 euro plaçkë....
-
Diaspora po voton, më shumë vota kanë ardhur nga Italia, SHBA dhe Greqia
-
Blerta Dodaj prezantoi një robot ujor në Harvard
-
E reja shqiptare gjendet pa shenja jete në Itali
-
Sulmojnë pikërisht shtëpinë e një polici: Kosovari thotë se ishte “vetëm ndihmës”
Jeta në Austri
-
Çmimet më të larta dhe dërgim më i ngadaltë: Çfarë po ndryshon në postën austriake nga maji 2025 Nëse planifikoni të dërgoni letra në Austri, përgatituni për çmime më të larta dhe kohë më...
-
La Austrinë për të jetuar e punuar në Kosovë
-
Austri: Rënie e ndërtimit të banesave
-
Austri: Grupi i profesionistëve kërkojnë zgjerim të rregullores për punën e rëndë
-
Panairi “Vjena 2025“, bashkoi bizneset e trojeve shqiptare