Sindikatat zvicerane kërkojnë rritje “urgjente” të pagave për 2 për qind

"Në vitet e fundit, pagat kanë ngecur pavarësisht nga trendi i mirë ekonomik. Vetëm në vitin 2019, pagat reale qenë rritur për rret" 0.5 për qind"

Për vitin 2020/2021, SGB (Federata e Sindikatave të Zvicrës) kërkon rritje të pagave deri në 100 franga në muaj ose deri në dy për qind në sektorë dhe kompani ku kjo është e mundur ekonomikisht, shkruan srf.ch. Për shkak të mungesës së ndonjë ngritjeje të pagave në vitet e fundit, kjo është urgjentisht e nevojshme, thonë në SGB.

Në vitet e fundit, pagat kanë ngecur pavarësisht nga trendi i mirë ekonomik. Vetëm në vitin 2019, pas dy viteve të këqija, pagat reale qenë rritur për rreth 0.5 për qind, shkruan Federata Zvicerane e Sindikatave në një komunikatë të publikuar në konferencën mediatike të mbajtur të hënën.

“Në kushtet e zhvillimeve të mira në rrafshin ekonomik, me rritjen e produktit të brendshëm bruto për 5.9 për qind (2017 deri në 2019), kjo rritje ishte plotësisht e pamjaftueshme, transmeton albinfo.ch. Prandaj rritja e pagave është urgjentisht e nevojshme”.

Që nga kriza financiare e vitit 2008, punëdhënësit janë arsyetuar kundër rritjes adekuate të pagave me argumentin e krizës, kritikon SGB. Siç është treguar tashmë, situata reale ekonomike është më e mirë. “Argumenti i krizës globale nuk funksionon më. Përmirësime të konsiderueshme janë të nevojshme në degët që kanë pasur zhvillim të mirë”.

Konkretisht,  SGB po bën thirrje për rritje të pagave deri në 100 franga në muaj ose deri në 2 për qind në ata sektorë dhe kompani ku kjo është e mundur ekonomikisht, përcjell albinfo.ch. Edhe në sektorët në të cilët tani në kohë të krizës së koronavirusit me punë me kohë të shkurtër, punëdhënësit duhet të paguajnë pagën e plotë të muajit të 13-të.

Po ashtu, aty ku aktualisht ende punohet me orar të shkurtër, SGB u bën thirrje kompanive të rrisin pagat e punëtorëve me të ardhura të ulëta në 100 për qind, ashtu siç kanë bërë tashmë tashmë kompani të ndryshme.

---