Moti në Zvicër, sot priten edhe stuhi lokale

Gjatë ditës pritet shtim i vranësirave, ndërsa pasditja mund të sjellë rrebeshe dhe shkarkesa rrufesh

Në Zvicër sot, më 20 gusht, pritet mot i ndryshueshëm, me intervale me diell në pjesën e parë të ditës dhe shtim gradual të vranësirave.

Gjatë pasdites në disa rajone priten rrebeshe shiu dhe stuhi lokale, ndërsa temperaturat do të jenë më të ulëta krahasuar me ditët e fundit, përcjell albinfo.ch.

Temperaturat ditore në përgjithësi pritet të arrijnë rreth 17 gradë Celsius, ndërsa ato minimale do të zbresin rreth 10 gradë, me dallime në varësi të rajonit dhe lartësisë.

Në zonat malore moti mund të jetë më i paqëndrueshëm, me mundësi për reshje dhe ndryshime të shpejta të kushteve atmosferike gjatë ditës.

Edhe ditët në vijim pritet të sjellin mot më të freskët dhe periudha me reshje, ndërsa të premten temperaturat parashikohet të pësojnë ulje të mëtejshme.

---