Kapiteni i Kosovës vazhdon me super paraqitje për Napolin

Amir Rrahmani ishte brilant me pasime e gjata, duke kompletuar katër nga katër

Napoli ka arritur ta mposht Milanin me rezultat 2:0 në “San Siro”, duke vazhduar si lider në Serie A, për tu shkëputur edhe më shumë në renditje.

Kapiteni i Kosovës, Amir Rrahmani luajti për 90 minuta dhe ishte prej më të mirëve në fushë, duke dhuruar edhe një herë një paraqitje solide, duke u vlerësuar me notë 7.1 nga SofaScore, transmeton albinfo.ch.

Rrahmani kishte 46 prekje të topit, ndërsa nga 39 pasime sa tentoi, kompletoi 38, me një saktësi prej 97 për qind.

Amiri ishte brilant me pasime e gjata, duke kompletuar katër nga katër. Po ashtu ai kishte edhe gjashtë spastrime nga zona, ndërsa nuk u driblua asnjëherë.

---