Kalimi në Liqenin e Gjenevës tërheq 1,200 pjesëmarrës

(KEYSTONE/Salvatore Di Nolfi)

Rreth 1,200 notarë morën pjesë në kalimin e liqenit të Gjenevës të dielën teksa regjistrimi online për eventin u plotësua brenda pak minutash.

“Qëllimi është të argëtohemi”, tha Olivier Boillat, një nga organizatorët, disa minuta para se grupi i parë i notarëve të nisej në orën 8 të mëngjesit.

1,200 pjesëmarrësit shijuan temperaturën e ujit prej 21.5 gradë Celsius për edicionin e dhjetë të eventit.

Midis të mërkurës dhe të enjtes, temperatura e liqenit kishte rënë me më shumë se 7 gradë në 17.7 gradë. Për arsye sigurie, eventi nuk zhvillohet nëse temperatura është nën 18 gradë, shkruan swissinfo, transmeton albinfo.ch.

Pjesëmarrësit u nisën në katër grupe me nga 300 persona secili, varësisht nga niveli i aftësive të tyre. Vozitësit dhe kajakistët siguruan sigurinë përgjatë gjithë itinerarit.

Ndër notarët që ofruan mbështetje për sigurinë ishte medalisti olimpik Jérémy Desplanches. Vetëm katër persona u detyruan të dorëzoheshin për shkak të dhimbjeve ose të ftohtit. I organizuar nga grupi ‘Baigneuses et Baigneurs’ i Shoqatës së Përdoruesve të Bains de Pâquis, ky aktivitet është para së gjithash një takim shoqëror. Nuk ka renditje garuese.

Pjesëmarrësi më i vjetër ishte 92 vjeç dhe i duhej rreth një orë e 15 minuta për të përfunduar notin prej 1,800 metrash midis Genève-Plage dhe Bains de Pâquis.