Hovenier mbledh kryetarët e veriut

Ambasadori i Shteteve të Bashkuara të Amerikës, Jeff Hovenier ka ftuar në takim katër kryetarët shqiptarë të komunave Leposaviq, Zveçan, Zubin Potok dhe Mitrovicë e Veriut.

Për këtë ka njoftuar kryetari i Zveçanit për Gazetën Nacionale, Ilir Peci, ku ka treguar se takimi do të mbahet në Prishtinë duke filluar nga ora 09:00, përcjellë albinfo.ch.

“Po na kanë ftuar në takim, ne do të marrim pjesë në takim nesër nga ora 09:00. Nuk na kanë dhënë detaje pse na kanë thirr, megjithatë kërkova pikat e rendit të takimit, por than që kur të vini këtu do të bisedojmë, kaq. Informacion është se kemi takimi, ndërsa për çka nuk e dimë.” – ka thënë Peci.

I pyetur se a do të jap dorëheqje nëse Hovenier ia kërkon, Peci nuk ka dhënë përgjigje.

“Për besë nuk mundëm me të thanë diçka të tillë. Nuk edi të shohim, krejt varet nga takimi”, përcjellë albinfo.ch.