Flet nëna e Distria Krasniqit: “Është një emocion i veçantë”

Xhudistja kosovare, Distria Krasniqi, është fituese e medaljes së artë të Lojërave Olimpike “Tokyo 2020”.

Ajo e ka mposhtur me “Wazzari” xhudisten japoneze, Funa Tonaki.

Lidhur me emocionet dhe përjetimet që i sollën luftërat e Distrias, foli për Klan Kosova nëna e xhudistes, Remzije Krasniqi.

Ajo tha se kanë përjetuar emocion të veçantë, duke mbetur edhe pa gjumë.

“Emocion i veçantë. Kemi mbetur pa gjumë, por ia ka vlejtur. Shumë ka qenë e stresuar. S’ke pasur mundësi të flasësh me të dhe ta përkrahësh. E kemi përcjellë. Ne e kemi ditur se si është ndierë porsa ka ardhur nga stërvitjet. Ka qenë stres, së pari përgatitjet, pastaj me kë do të luftojë, me kë do t’i bie shorti”.

Remzije Krasniqi tregoi edhe për momentin kur vajza e saj e kishte thirrur në telefon para se ta merrte medaljen e artë.

“Para se me marrë medaljen, na ka thirrë më telefon me video. Ka pyetur se si jemi ne, ka pyetur për babin dhe kur e ka parë babin, është qetësuar”.