Edhe Adrian Nikçi në Gjermani

Nikçi ka arritur pajtim për një transfer me klubin e bundesligës gjermane, Hanover 96

Pas Shaqirit, Xhakës e Mehmedit, edhe një futbollist i talentuar shqiptar i kthen shpinën superligës zvicerane. Është ky 22 vjeçari Adrian Nikçi, i FC Cyrihut, i cili, sipas disa portaleve në gjuhën gjermane do të provojë fatin në bundesligën gjermane.

Burimet e përmendura shkruajnë se Nikçi ka arritur pajtim për një transfer me Hanover 96, skuadër ku luan edhe futbollisti zviceran Mario Eggimann.

Duke qenë se kontrata e Adrian Nikçit me Cyrihun vlen deri në vitin 2013, klubi i Hanoverit do të duhet t`ia paguajë kloubit zviceran shumën e barazimit.Nikçi ka luajtur deri më tash për FC Cyrihun 143 neshje dhe ka shënuar gjithsj 25 gola. Në kampionatin që sapo ka përfunduar të superligës, Nikçi ka luajtur në 25 ndehsje, në 22 prej të cilave është zëvendësuar ose ka zëvendësuar dikë.