Dy kadetë nga Kosova diplomojnë në West Point – SHBA, akademinë më prestigjioze në botë

Foto FB: FSK

Forca e Sigurisë së Kosovës ka njoftuar se dy kadetë nga Kosova, Andrin Vuthaj dhe Vesa Ibrahimi, kanë diplomuar në Akademinë Ushtarake “West Point” në Shtetet e Bashkuara të Amerikës.

Sipas njoftimit, ata për katër vjet studiuan në akademinë ushtarake më prestigjioze në botë, teksa në ceremoninë e diplomimit i pranishëm ishte edhe presidenti i ShBA-së, Joe Biden.

“Në ceremoninë e diplomimit përveç familjarëve dhe mysafirëve të shumtë, i pranishëm si mysafir nderi ishte presidenti i ShBA-së, Joe Biden, i cili i përgëzoi dhe uroi të sapodiplomuarit. Kadetët e sapodiplomuar do t`i bashkohen Forcës së Sigurisë së Kosovës, duke sjellë kështu eksperienca të reja, të cilat i fituan gjatë katër viteve të studimit. Për performancë të dalluar gjatë studimeve kadetit Vuthaj ka diplomuar me nderim të lartë (Magna Cum Laude)”, thuhet në njoftim, transmeton albinfo.ch.

Foto nga ceremonia: https://www.facebook.com/SHPFSK/posts/807086354934274?ref=embed_post