BAG: 8167 raste të reja, 313 pacientë Covid-19 në kujdes intensiv

Mesatarja 7-ditore është 8622 ose 7 për qind më pak se në javën e kaluar. BAG raporton 32 raste të reja të vdekjes nga Covid-19

Zyra Federale e Shëndetit Publik (BAG) ka raportuar 8167 raste të reja pasditen e sotme që kanë rezultuar pozitive me koronavirus në 24 orët e fundit.

Mesatarja 7-ditore është 8622 ose 7 për qind më pak se në javën e kaluar. Incidenca 14-ditore është aktualisht 1356.94, shkruan srf.ch.

BAG raporton 152 shtrime të reja në spital, mesatarja 14-ditore e shtrimeve është 93 në ditë. 1711 persona aktualisht po trajtohen në spital për Covid-19. Kjo është 3 për qind më pak se në javën e kaluar.

Aktualisht janë 313 pacientë me Covid-19 në kujdes intensiv. Kjo është 3 për qind më shumë krahasuar me javën e kaluar. Shtretërit e kujdesit intensiv në spitalet zvicerane (përfshirë shtretërit ad-hoc) janë aktualisht të zënë në masën prej 79 për qind. 36 për qind e shtretërve të kujdesit intensiv janë të zënë nga të sëmurët me Covid 19.

BAG raporton 32 raste të reja të vdekjes nga Covid-19. Mesatarja e 7 ditëve të fundit është 25 të vdekur.

---