Asambleisti socialdemokrat shqiptar në Zvicër uron Vetëvendosjen

Asambleisti në mandatin e tretë në Asamblenë komunale në Langnau në Bernë të Zvicrës, Nazim Rexhepi ka uruar Vetëvendosjen për fitoren në Zgjedhjet në Kosovë dhe popullin për zgjedhjet shembull.

“Kam kënaqesinë t’ua uroj fitoren historike në zgjedhjet e jashtëzakonshme të 14 shkurtit 2021. Popullin e Kosovës e pergëzoj për zgjedhje të qeta, të lira dhe demokratike që u bënë shembull për regjionin e Ballkanit dhe më gjerë!”, ka thënë Rexhepi.

Vetëvendosjen ai i ka quajtur si socialdemokratët e vërtetë evropianë.

“Mirëqenie, siguri dhe barazi sociale kërkon populli i Kosovës dhe kush mund ta bënte më mirë se ju, Vetëvendosja – socialdemokratët e vërtetë evropianë”, ka shtuar ai.