Sonte hapet festivali i filmit të shkurtër „Swikos 2015“

Të premten mbrëma në Bazel për herë të nëntë do të fillojë festivali i filmit të shkurtër artistik „Swikos 2015“, ku gjatë dy ditëve do të garojnë 14 projekte filmike, të cilat konkurrojnë në garën e sivjetme të këtij festivali.

Sonte në festivalin e filmit të shkurtër „SWIKOS“, i cili ka për qëllim përafrimin apo edhe shkëmbimin ndërkulturor zviceran me atë kosovar, gjegjësisht shqiptar.

Festivali do të fillojë me filmin “Steinzeit”, me regji të Mirjam Zimmermann, për t’u pasuar nga filmi “Kali”, me regji të Alban Ukajt dhe Yll Çitakut, filmi i tretë i mbrëmjes së parë do të jetë “Irland”, me regji të Piet Baumgarter, më pas do të shfaqet filmi  “Leonardo” nga Ilir Hasanaj, “Breath” me regji të Artur Gorshit, “Luftschloss” me regji të Olga Dinnikova dhe filmi i fundit i natës së parë është “Da nicht fur” nga Martina Plura.

Festivali ka karakter garues dhe çmimet që do të ndahen janë: Filmi më i mirë, Aktori më i mirë, Regjisori më i mirë, Kamera më e mirë, Editimi më i mirë dhe çmimi i publikut.

„Swikos“ do të mbahet edhe këtë herë në sallën “Stadt Casino” të Bazelit, ndërsa hyrja për të shikuar filmat është pa pagesë.

Filmi kosovar i Lindita Zeqirajt ishte fitues i edicionit të kaluar të festivalit të filmit të shkurtë SWIKOS në Bazel të Zvicrës.