Integrimi
Blues për vendlindjen dhe për vdekjen e babait
Vetëm tri ditë më parë, krahas tre shkrimtarëve tjerë, Meral Kureyshi qe shpërblyer me çmimin e dytë të konkursit për librin më të mirë të vitit në Zvicër.
Shkrimtarja e re zvicerane me prjeardhje nga Kosova, mbrëmjen e të mërkurës ishte mysafire në Literaturhaus të Cyrihut. Aty, së bashku me shkrimtaren tjetër të re, gjermanen Silvia Overath, ishte protagoniste e një leximi letrar para një publiku të zgjedhur. Dy krijueset e reja në këtë mbrëmje janë prezantuar në cilësinë e autoreve debytuese, të cilat me librat e tyre të parë kanë zgjuar interesim te publiku lexues.
Kureyshi dhe Overath i janë përgjigjur interesimit të dy moderartoreve (Gesa Schneider dhe Isabelle Vonlanthen) lidhur me procesin e krijimit të librave të tyre, lidhur me frymëzimet, idetë dhe jetën e tyre si krijuese të reja.
Ardhja në Zvicër në moshën 9 vjeçare nga Kosova ka qenë një thyerje në jetën e vajzës delikate, siç është traumë për secilin braktisja e vendlindjes, e rrethit shoqëror ku ke jetuar, ka theksuar Kureysh. Por me kalimin e kohës ajo e ka gjetur veten në mesin e ri. Këtë e ka arritur sidomos përmes mësimit të gjuhës gjermane, e cila i është bërë strehë, ose në njëfarë mënyre një atdhe i dytë. Letërsia pastaj i ka kompensuar mungesat e shumëta në jetën e familjes së saj si refugjatë.
“Ne ishim të vetmit në lagje e më gjerë që nuk kishim telefon dhe as automobil”, kujton Meral tek e shpjegon dallimin bazik në mes dhe vendësve dhe familjes së saj refugjate.
Ndërthurja në mes jetës së vërtetë dhe fiksionit, fakti se në romanin e saj shpesh nuk dihet ku përfundon fakticiteti dhe ku fillon fiksioni, sipas moderatoreve, karakterizon veprën e autores nga Prizreni.
Shkapërcimet nëpër kohë, gjegjësisht mosmbajtja e një strukture lineare dhe kronologjke, e bëjnë romanin e saj edhe më të paparashikueshëm. Nuk mungon aty as humori dhe fryma poetike, që u pa edhe gjatë leximit që Meral u bëri disa fragmenteve nga libiri i saj.
Jeta në mes dy botëve – nga njëra anë Prizreni i fëmijërisë së saj të hershme dhe nga ana tjetër Berna, ku ajo ka ardhur të jetojë pa dashjen e saj, është leitmotivi që vijëzohet nëpër gjithë romanin e saj. Po kaq e gjithëpranishme në roman është edhe figura e babait, gjegjësisht trauma që ka shkaktuar te vajza (realja po dhe te ajo imagjinarja, në roman) vdekja e hershme e tij.
Meral në shpjegimet e saj të kërkuara nga moderatoret, e ka cilësuar romanin e saj në një mënyrë edhe si krijim i ndërtuar mbi lidhjen në mes të babait dhe të bijës.
Krejtësisht ndryshe paraqitet gjendja te shkrimtarja Overath. Ajo, në romanin e saj “Robe schwimmt rükwärts” (Foka noton së mbrapthi) e ka gjithçka të llogaritur deri në hollësi sa i takon paraqitjes kronologjike të rrjedhës së ngjarjeve. Overath është edhe skenariste për çka ka mbaruar shkollimin përkatës dhe kjo paqyrohet edhe në shkrimin e romanit të saj.
Të dy autoret, në përmbyllje të debabtit kanë qenë në dispozicion te lexuese duke ua nënshkruar librat e tyre.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Diskutohet institucionalizimi i mësimit plotësues të gjuhës shqipe në Konfederatën e Zvicrës
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?