Si dhuratë për ditëlindje, Alejna fiton një vëlla të vogël!

Alejna 4 vjeçe e vështron me kujdes por paksa edhe me skepsë dhuratën më të pazakonshme për ditëlindje: në shtratin për të posalindurit në spitalin e Gelnhausenit është shtrirë vëllai i saj i vogël. Para saktësisht katër vitesh edhe Alejna kishte ardhur në jetë pikërisht në këtë spital, shkruan gelnhaeuser-tageblatt.de. Tash edhe vëllathi i saj, Auloni sheh dritën për herë të parë në spitalin e njëjtë, katër vite më vonë por në datën e njëjtë.

“Ne kurrë nuk kishim menduar se lindja e Aulonit do të qëllonte pikërisht në ditëlindjen e Alejnës”, thotë nëna e dy vogëlushëve, Sadie Shabani, transmeton albinfo.ch. Ditëlindja e parashikuar e tij ishte 24 tetori, por ai duket se “e ka shtyrë me qëllim” lindjen deri më 2 nëntor.

“Është një mrekulli e dyfishtë”, thotë nëna 28 vjeçare. “Pothuajse sikur të kishim binjakë”.

Kryemjekja e spitalit, Dr. Lke Schulmeyer thotë se një rast i tillë është tepër i rrallë dhe as ajo vetë në pe¨rvojën e gjatë të punës nuk e ka përjetuar deri tash.