Kjo vepër sjell kujtime, dëshmi dhe përjetime personale të autorit nga një periudhë e rëndësishme e historisë sonë kombëtare
Konsullata e Përgjithshme e Republikës së Kosovës në Cyrih ju fton të merrni pjesë në promovimin e librit “Për Kosovën Republikë”, të autorit Enver Dugolli.
Kjo vepër sjell kujtime, dëshmi dhe përjetime personale të autorit nga një periudhë e rëndësishme e historisë sonë kombëtare, në të cilën ai ishte pjesëmarrës dhe dëshmitar i drejtpërdrejtë.
Përmes rrëfimeve dhe reflektimeve, libri pasqyron qëndresën, sakrificën dhe përpjekjet për lirinë dhe Republikën e Kosovës, duke kontribuar në ruajtjen e kujtesës historike dhe përcjelljen e saj te brezat e rinj.
Promovimi do të jetë një mundësi për të bashkëbiseduar me autorin dhe për të reflektuar mbi rrugëtimin historik të Kosovës drejt lirisë dhe shtetësisë.
Data: E diel, 15 nëntor 2026
Ora: 18:00
Vendi: Konsullata e Përgjithshme e Republikës së Kosovës në Cyrih
Adresa: Eugen-Huber-Strasse 19A, 8048 Zürich
Ju lutemi të konfirmoni pjesëmarrjen tuaj në adresën elektronike: [email protected].
Mirë se vini!
