“Jo në emrin tim!”, shqiptarët në Austri protestojnë ndaj vendimit të Speciales

Protesta në Vjenë është pjesë e tubimeve të diasporës shqiptare në vende të ndryshme, pas vendimit të fundit të Dhomave të Specializuara

Me thirrjet: „Jo në emrin tim“, „UÇK, UÇK“, „O Hashim ti ku je, krejt Kosovën këtu e ke“ është duke u mbajtur aktualisht protesta në Vjenë, raporton albinfo.at.

Shqiptarë nga Austria janë mbledhur sot në Vjenë, në një protestë në mbështetje të ish-krerëve të Ushtrisë Çlirimtare të Kosovës, pas aktgjykimit të Dhomave të Specializuara në Hagë.

Tubimi po zhvillohet në sheshin Heldenplatz.

Protestuesit kanë dalë me flamuj kombëtarë dhe simbole të UÇK-së, ndërsa përmes tubimit kanë shprehur kundërshtimin e tyre ndaj dënimeve të ish-krerëve të UÇK-së, përcjell albinfo.at.

Protesta në Vjenë është pjesë e tubimeve të diasporës shqiptare në vende të ndryshme, pas vendimit të fundit të Dhomave të Specializuara ndaj Hashim Thaçit, Kadri Veselit, Jakup Krasniqit dhe Rexhep Selimit .

---