E-Diaspora
“Një humbje të këtillë nuk ia dëshiroj as armikut”
"Një humbje të këtillë nuk do t`ia kisha dëshiruar as armikut", thotë një i ri që kishte hedhur flamurin kombëtar mbi supe
Loja e shumëpritur Shqipëri – Serbi përfundon me zhgënjim të tifozëve të kombëtares shqiptare që e ndoqën atë nga Zvicra. Pësimi i dy golave në minutat shtesë të lojës ka thyer keq entuziazmin e dhjetëra të rinjve shqiptarë të mbledhur mbrëmë në klubin e Plisave në Rorschach SG.
„Kjo humbje dhemb dhe është neveritëse“, shprehet Florimi i mllefosur duke u ngritur për ta lëshuar lokalin nga heshtja që kishte kapluar Plisat pas golit të pësuar. Si guxon të luash kaq ofensiv në minutat shtesë të lojës, ngre zërin ai. „Këta gjithmonë e kanë bërë m… në tri ndeshjet e fundit“, ndërhyn një tifoz tjetër aty pranë, duke aluduar edhe në lojërat kualifikuese të edicionit të kaluar kur Shqipëria ndonëse luante mirë, nuk kishte arritur të fitonte ndaj Sllovenisë dhe Islandës.
„Me dy barazime që ishim shumë pranë, ndaj Portugalisë dhe tani Serbisë, ne sonte do të festonim kualifikimin“, flet i nevrikosur njëri nga anëtarët e Plisave, i njohur me nofkën Luis.
Të tjerët nuk mund ta besonin dot një humbje të këtillë! Një humbje të këtillë nuk do t`ia kisha dëshiruar as armikut, thotë një i ri tjetër që kishte hedhur flamurin kombëtar mbi supe.
Shumë të rinj shqiptarë të veshur me kostume kuq e zi e fanella të kombëtares e kanë pritur këtë përballje ballkanike me padurim, duke shpresuar që nga kjo ndeshje të përmbyllin me sukses fazën kualifikuese, një lojë para mbarimit të kualifikimit për Evropianin 2016.
Madje disa tifozë të tjerë kishin organizuar edhe grupin e automjeteve duke kërkuar flamuj për korzon festuese që do të zhvillonin me veturat e tyre pas ndeshjes.
Kjo dhe i tërë entuziazmi u shua pasi etja e madhe për fitore që kishin lojtarët e kombëtares sonë, u pagua me çmimin e humbjes në minutat kur pritej që arbitri ta përfundonte ndeshjen.
Humbje identike kombëtarja ka pësuar edhe në lojën e parafundit ndaj Portugalisë dhe me këtë shënon dy humbje radhazi në terrenin vendas, gjë që i vështirëson jashtëzakonisht shumë gjasat për kualifikim, pasi që ndeshja e fundit luhet ne Armeni dhe Shqipërisë i nevojitet medoemos ta fitojë lojën. Vetëm me fitore kombëtarja jonë mund t`i shmanget balotazhit të vështirë ku e presin ekipe si Ukraina, Irlanda, Kroacia, Suedia, Sllovenia, Izraeli dhe Turqia.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj