Xhaka sërish ndër më të mirët, vlerësohet me notën 7.4

Mesfushori shqiptar zhvilloi një tjetër paraqitje solide në Premier League, duke qenë ndër lojtarët më të vlerësuar në barazimin mes Brentfordit dhe Sunderlandit.

Granit Xhaka vazhdon të dëshmojë rëndësinë e tij në mesfushë, duke qenë sërish një prej lojtarëve më të mirë në fushë, transmeton albinfo.ch.

Në ndeshjen Brentford – Sunderland, e cila përfundoi me rezultat 1:1, Xhaka zhvilloi një paraqitje të mirë dhe ishte një nga futbollistët më të vlerësuar.

Sipas platformës “Flashscore”, mesfushori shqiptar u vlerësua me notën 7.4, duke konfirmuar edhe një herë formën e mirë dhe rëndësinë e tij për skuadrën.

Paraqitjet e vazhdueshme të Xhakës po tregojnë se përvoja e tij mbetet një aset i rëndësishëm në nivelin më të lartë të futbollit anglez. /Albinfo.ch

---