Trump: Irani nuk është i gatshëm të arrijë marrëveshjen e duhur

Keystone EPA/WILL OLIVER / POOL

Presidenti i Shteteve të Bashkuara të Amerikës, Donald Trump, ka deklaruar se nuk beson që Irani është i gatshëm që të arrijë marrëveshjen e duhur për t’i dhënë fund konfliktit, teksa tha se Uashingtoni po shikon se “çfarë do të ndodhë më pas”.

Ai u shpreh se SHBA-ja ka kontrollin e plotë të zonës përreth Ngushticës kyç të Hormuzit, e cila është mbyllur që nga nisja e konfliktit në fund të shkurtit.

Teherani pretendon se e ka kontrollin e plotë të rrugës ujore dhe thotë se ajo do të hapet vetëm pasi Uashingtoni të plotësojë disa kushte.

“Ata do të donin shumë të arrinin një marrëveshje, por, sipas mendimit tim, nuk janë të gatshëm të bëjnë marrëveshjen e duhur”, ka deklaruar Trump pasi u pyet nëse opsionet ushtarake të SHBA-së kundër Iranit ishin të kufizuara, transmeton albinfo.ch.