Moti në Zvicër, sot priten reshje të herëpashershme

E shtuna sjell mot të freskët, me vranësira dhe reshje të herëpashershme gjatë pasdites

Në Zvicër sot pritet mot kryesisht me vranësira të ndryshueshme dhe intervale të shkurtra me diell.

Gjatë pasdites, në disa rajone parashikohen reshje të herëpashershme shiu dhe rigë, ndërsa moti do të mbetet relativisht i freskët, përcjell albinfo.ch.

Temperaturat në përgjithësi pritet të lëvizin nga rreth 6 gradë Celsius në orët e mëngjesit deri në afërsisht 14 gradë gjatë ditës, me dallime sipas rajonit dhe lartësisë.

Kushtet atmosferike pritet të jenë më të qëndrueshme se një ditë më parë, megjithëse në disa zona reshjet mund të vazhdojnë edhe gjatë pasdites.

Të dielën pritet një rritje e lehtë e temperaturave, ndërsa fillimi i javës së ardhshme mund të sjellë më shumë intervale me diell.

 

---