Pas shiut, disa kantone zbusin ndalimin e zjarrit

Masat janë hequr plotësisht në kantonin e Ticinos - atje nuk ka më asnjë ndalim për ndezjen e zjarrit

Për shkak të shirave të fundit që ranë në Zvicër, disa kantone kanë lehtësuar ndalimet e tyre të zjarrit që ishin vendopsur më heret, në kushtet  e thatësisë së madhe. Kështu, në kantonet Zug, Thurgau dhe Appenzell Ausserrhoden, nuk ka më një ndalim absolut të zjarrit.

Megjithatë, ndezja e zjarreve në ose pranë pyjeve mbetet e ndaluar pothuajse kudo, njoftuan kantonet në fjalë.

Në kantonin e Bernës, ndalimi është lehtësuar vetëm në rajone të caktuara administrative.

Masat janë hequr plotësisht në kantonin e Ticinos – atje nuk ka më asnjë ndalim për ndezjen e zjarrit.

Megjithatë, sipas qeverisë federale, rreziku i zjarreve në pyje mbetet i lartë në shumë kantone.

---