Vala e të nxehtit thyen rekorde në Chur

Edhe zona të tjera të kantonit Graubünden kanë shënuar rekorde të reja

Qyteti i Churit në kantonin Graubünden ka regjistruar serinë më të gjatë të ditëve me temperatura mbi 30°C në historinë e matjeve meteorologjike.

Nga 17 deri më 30 qershor, termometri ka kaluar kufirin e 30 gradëve për 14 ditë radhazi, duke vendosur një rekord të ri.

Rekordi i mëparshëm ishte vendosur në verën e vitit 2018, me 12 ditë radhazi mbi 30°C, duke barazuar rekordin e vitit 2006.

Këtë vit, seria është tejkaluar ndjeshëm, duke konfirmuar intensitetin e jashtëzakonshëm të valës së të nxehtit, transmeton albinfo.ch.

Edhe zona të tjera të kantonit Graubünden kanë shënuar rekorde të reja.

Në Davos, temperatura mesatare maksimale nga 19 deri më 28 qershor arriti në 26.3°C, niveli më i lartë i regjistruar ndonjëherë për këtë periudhë.

MeteoSwiss thekson se kjo valë e të nxehtit është veçanërisht ekstreme për shkak të kombinimit të intensitetit dhe kohëzgjatjes së saj.

 

 

---