Vuçiq thotë se është “në ditët e fundit si president i Serbisë”

Paraqitjen e tij në një tubim në Partisë Përparimtare Serbe në Beograde ai e ka cilësuar si “ndoshta e fundit para një turme kaq të madhe”

Presidenti i Serbisë, Aleksandar Vuçiq, ka thënë se ndodhet në ditët e fundit të tij në këtë post.

Në një tubim në Partisë Përparimtare Serbe në Beograd, Vuçiqi ka thënë se do të dorëhiqet “pas pak javësh”. Ai, këtë paraqitje të tij e ka cilësuar si “ndoshta e fundit para një turme kaq të madhe”.

Në këtë tubim, Vuçiqi ka prezantuar edhe formimin e një liste zgjedhore të quajtur “Serbia e Bashkuar” për të marrë pjesë në zgjedhjet e ardhshme.

Ndërsa duke folur për Kosovën, ai ka thënë se Serbia është e hapur për të diskutuar “por jo për të negociuar se i kujt është territori”.

Vuçiqi është në pushtet qe 13 vjet.

Në Serbi qe një vit e gjysmë ka protesta të vazhdueshme, të nisura nga studentët, pas shembjes së një çatie të një stacioni treni në Novi-Sad në nëntor të 2024-s, që la të vdekur 16 persona.

Mandati i tij si president i Serbisë është deri në mes të vitit të ardhshëm.

---