Integrimi
Zari Xhaferi, me biçikletë drejt parlamentit
Në zgjedhjet nacionale të tetorit kandidon nga Zugu edhe politikani i ri me origjinë nga Gostivari, Zari Xhaferi.
Aktualisht Zari Xhaferi është deputet në parlamentin e Kantonit Zug dhe është mjaft aktiv në jetën shoqërore të kantonit.
Xhaferi, një politikan shumë i ri (30 vjeç), ka qenë pjesë e këtij parlamenti që nga viti 2011, në dy mandate, dhe është treguar mjaft aktiv në jetën parlamentare si dhe jashtë saj.
Ai ka qenë shqiptari i parë pas një kohe që kishte fituar vendin në një parlament kantoni.
Para tij, në vitin 2006 një vend të tillë në kantonin Schaffhausen e kishte fituar po për këtë parti, Osman Osmani.
Politikani shqiptaro-zviceran anon nga e majta dhe e ka shtyrë pikërisht dominimi i djathtë në Bernë për t’i hyrë kësaj gare elektorale.
„Unë jam njëri nga kandidatët për zgjedhjet nacionale për shkak se shumica e popullates së Zugut nuk është e përfaqësuar në Bernë. Janë tre deputetë nacional (Nationalräte), të gjithë të djathtë. Me kandidimin tim dua të ndryshoj dhe të ndihmoj që të shkojë në Bernë ai i cili angazhohet edhe për shqetësimet sociale të qytetarëve”, ka deklaruar për albinfo.ch Zari Xhaferi, njëri nga 15 kandidatët e SP/PS (Partia Socialdemokrate) që garojnë në zgjedhjet nacionale të tetorit nga Zugu.
30-vjeçari ka zgjedhur të bëjë fushatë pak më ndryshe dhe më të pazakontë se politikanët e tjerë.
Ai me biçikletën e tij po shëtit gjithandej nëpër Zug, duke kërkuar votën e qytetarëve.
„Me biçikleten time me poster jam shumë aktiv në rrugët e Zugut. Unë shpërndaj fletushka, bisedoj me njerëz dhe e them mendimin tim. Në të njëjtën kohë unë jam shumë i aktiv në media. Unë jam për këtë arsye i bindur se fushata ime është interesante dhe e pranueshme për të gjithë. Kjo fushatë gjithashtu ofron perspektiva për të shprehur programin tim më mirë për qytetarët”, thotë Xhaferi, i cili e konsideron të jetë senzacion nëse siguron një ulëse në Parlamentin e Zvicrës.
Nëse zgjidhet Zari Xhaferi deputet nacional, ai do ta trajtojë çështjen e arsimimit të barabartë dhe për një politikë më të favorshme të integrimit.
„Më shumë do të nagazhohen për barazinë e mundësive në arsim. Çdo fëmijë ka nevojë për një mundësi të barabartë. Pastaj jam i përkushtuar për një politikë të qëndrueshme të transportit dhe për një politikë të favorshme të integrimit. Përveç kësaj, unë jam i angazhuar për barazinë gjinore”, premton politikani i ri shqiptar në këtë bashkëbisedim me albinfo.ch.
Ai ka pranuar se fushata e tij zgjedhore është fokusuar edhe te komuniteti shqiptar, për t’i informuar ata për rrjedhat politike.
“Jam i bindur se do më ndihmojë edhe diaspora shqiptare në Zvicër. Shpresoj shumë në votën e tyre, edhe pse do ta kem të vështirë për të shkuar nga shtëpia në shtëpi”, thotë Xhaferi.
Zari Xhaferi ka ardhur në Zvicër nga Gostivari në moshën 7-vjeçare. Bashkë me prindërit jeton në Baar të Zugut. Ka kryer gjimnazin dhe studimet në Shkollën e Lartë Pedagogjike, drejtimet: gjuhë gjermane, gjuhë angleze, histori dhe sport.
Pasionin për gazetari ai e ushtron në gazetën javore lokale “Zugerbitter Zeitung”.
Të tjera nga Integrimi
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik