Italia njeh zyrtarisht tre prindër për një fëmijë: vendimi që ndezi debat të madh

@unsplash

Një gjykatë italiane ka marrë një vendim të rrallë dhe shumë të komentuar, duke njohur ligjërisht tre prindër për një fëmijë 4-vjeçar – dy baballarë dhe një nënë. Ky rast ka hapur debat të madh në Itali dhe ka nxitur reagime të forta nga grupet konservatore.

Fëmija ka lindur në Gjermani dhe jeton atje me një çift burrash të martuar, ku njëri prej tyre është babai biologjik. Nëna biologjike është një mike e çiftit, e cila ka pranuar të jetë pjesë e jetës së fëmijës.

Babai jobiologjik, me shtetësi italo-gjermane, e kishte adoptuar fëmijën sipas ligjit gjerman dhe më pas kërkoi që adoptimi të njihej edhe nga autoritetet italiane. Fillimisht kërkesa u refuzua për shkak të dyshimeve për surrogaci, praktikë e ndaluar në Itali.

Por Gjykata e Apelit në Bari rrëzoi këtë vendim, duke sqaruar se nuk kishte prova për surrogaci. Si rezultat, Italia tashmë e njeh zyrtarisht fëmijën me dy baballarë dhe një nënë.

Avokatja e njërit prej prindërve tha se ky nuk ishte një rast i marrëveshjeve të fshehta, por i tre personave që duan të kujdesen dhe të jenë pjesë e jetës së fëmijës.

Vendimi u publikua në kohën kur Italia po shënonte 10-vjetorin e legalizimit të bashkimeve civile për çiftet e gjinisë së njëjtë, ndërsa organizatat konservatore e kanë dënuar ashpër këtë hap të gjykatës