Lajme

Administrata e presidentit amerikan riklasifikon kanabisin, konsiderohet si më pak i rrezikshëm

E enjte, 23 Prill 2026 - 19:00 albinfo.ch
@unsplash

Departamenti i Drejtësisë në Shtetet e Bashkuara të Amerikës ka ndryshuar zyrtarisht mënyrën se si e klasifikon kanabisin.

Sipas vendimit të ri, kjo substancë, e njohur edhe si marijuana, nuk konsiderohet më një drogë shumë e rrezikshme siç ishte më parë, por është zhvendosur në një kategori më të ulët rreziku, ku përfshihen substanca që kanë përdorim mjekësor dhe kontrollohen nga shteti, transmeton albinfo.ch. Ndryshimi e vendos kanabisin në të njëjtin grup me disa barna që përdoren për trajtim mjekësor, si ilaçe që përmbajnë kodeinë.

Vitin e kaluar, presidenti Trump pati nënshkruar urdhër ekzekutiv për të nisur këtë proces, me synimin për të lehtësuar kërkimin shkencor dhe qasjen ndaj kësaj substance.

Vlen të përmendet se kanabisi në nivel federal mbetet i paligjshëm teksa pavarësisht kësaj, shumica e shteteve amerikane e kanë legalizuar përdorimin e tij për qëllime mjekësore dhe në shumë vende ajo mund të blihet ligjërisht në dyqane të posaçme.

 Të tjera nga Lajme

Macron: Pas vitit 2027 nuk do të merrem më me politikë

 E-Diaspora

 Jeta në Austri