Lajme

Arrestohet 22-vjeçari shqiptar në Itali, kishte 110 kg kokainë të fshehur në garazh

E shtunë, 18 Prill 2026 - 19:00 albinfo.ch
Foto ilustrim

Një shqiptar 22-vjeçar, banor në Grumello del Monte, Itali, u arrestua pasi policia zbuloi 110 kilogram kokainë.

Droga në vlerë rreth 10 milionë euro, ishte fshehur në një garazh, të shndërruar në depo droge dhe u zbulua nga Guardia di Finanza e Brescias.

Operacioni u zhvillua në Sarnico dhe solli arrestimin e një 22-vjeçari me origjinë shqiptare, teksa operacioni, i koordinuar nga Grupi i Operacioneve Kundër Drogës (GOE) dhe Grupi i Hetimit të Krimit të Organizuar (GICO), zbuloi një ngarkesë me vlerë të lartë, që mund të arrinte mbi 4 milionë euro në shitjen me shumicë dhe rreth 10 milionë euro në tregun me pakicë, transmeton albinfo.ch.

Hetimi nisi pas raportimeve të disa banorëve për aktivitet të dyshimtë rreth garazhit, dhe monitorimi i zonës çoi në arrestimin e 22-vjeçarit, i cili dyshohet të ketë qenë vetëm kujdestari i drogës, që përdoreshin nga një bandë me lidhje ndërkombëtare.

Autoritetet po punojnë për identifikimin e drejtuesve të rrjetit kriminal.

 Të tjera nga Lajme

Kosovë: Arrestohet në Ferizaj personi i kërkuar nga INTERPOL-i

 E-Diaspora

 Jeta në Austri