Engineers’ Day në EPFL: Një urë mes studentëve dhe profesionistëve shqiptarë në Zvicër

Një ngjarje e veçantë kushtuar studentëve dhe profesionistëve të fushës së inxhinierisë do të mbahet më 4 mars 2026 në EPFL, në Lozanë. Engineers’ Day organizohet në bashkëpunim mes AEAUL, Shoqatës së Studentëve Shqiptarë të Universiteteve në Lozanë, dhe AES – Albanian Engineers in Switzerland.

Ngjarja do të mbahet të mërkurën, më 4 mars 2026, duke filluar nga ora 19:45, në ambientet e EPFL-së (MED 0 1418, Lozanë).

Qëllimi i aktivitetit

Qëllimi kryesor i këtij aktiviteti është ndërtimi i një ure të fortë mes studentëve dhe profesionistëve, duke krijuar një hapësirë për shkëmbim përvojash, frymëzim dhe orientim për gjeneratat e reja të inxhinierëve.

Çfarë përfshin mbrëmja?

Gjatë mbrëmjes:

AES do të prezantojë misionin, vizionin dhe rolin e saj në komunitetin e inxhinierëve shqiptarë në Zvicër.

Alumni të EPFL-së do të ndajnë rrugëtimin e tyre akademik dhe profesional, sfidat, vendimet kyçe dhe mësimet e nxjerra.

Studentët do të kenë mundësinë të bëjnë pyetje, të njihen me perspektiva të ndryshme karriere dhe të kuptojnë më mirë botën profesionale.

Aktiviteti do të përmbyllet me një apéro & networking, duke nxitur krijimin e lidhjeve të reja, mentorimin dhe bashkëpunimin profesional.

Organizatorët theksojnë se Engineers’ Day është më shumë sesa një ngjarje formale – është një moment dialogu, inspirimi dhe ndërlidhjeje për një të ardhme profesionale të përbashkët.

 

---